Historia e trishtë e “Benit ecën vetë”: Prindërit u ndanë kur isha i vogël, kisha dy nëna dhe dy baballarë

Në një rrëfim si kurrë më parë, aktori Herion Mustafaraj ka treguar historinë e ndarjes së prindërve të tij, kur ai ishte ende shumë i vogël.

I përlotur ai tregon sesi të gjithë tregonin për prindërit e tij si një çift i shkëlqyer.

“Gjynah, i kanë marrë më sysh, thoshin njerëzit”, i rrëfeu artisti moderatores Erjona Rusi.

“Ky ishte fati i jetës, pastaj babai u martua dhe nëna disa vite më pas po ashtu.

Kështu pas pak kohësh kisha 2 nëna dhe 2 baballarë.

Zonja Farushe që u martua me babin tim është një zonjë e përkryer.

Më donte më shumë se fëmijët e tjerë që bëri me babain tim.

Edhe burrin e mamasë nga ana tjetër e kisha si shok.

Ishte nga një familje shumë e mirë. Njerëz shumë të mirë, shumë të kulturuar.

Ata ma bënë atë vështirësinë e ndarjes së familjes më të lehtë”, tha ai.

Herion Mustafaraj mbahet mend për rolin e tij tek filmi “Beni ecën vetë” dhe më pas nuk pati më role të mëdha.

Edhe pse ai nuk e tha, me sa duket divorci i prindërve mund të ketë ndikuar në ecurinë e karrierës së tij.

Jo vetëm kaq, por Mustafaraj pati dhe vetë fatin e prindërve të vet, pasi dhe ai është divorcuar nga bashkëshortja, me të cilën ka edhe një gocë.