Ndriçim Xhepa rrëfen dëshirën e fundit të nënës së tij, Margarita Xhepa

Sot u mbajtën homazhet për aktoren ikonike te kinematografise shqiptare Margarita Xhepa, e cila u nda nga jeta një ditë më parë në moshën 91-vjeçare.

Në një deklaratë për mediat djali i saj, aktori Ndriçim Xhepa rrëfeu se dëshira e fundit e aktores ishte të luante edhe një film.

“Mbylli jetën e saj në mënyrë normale pavarësisht se dy muajt e fundit kishte probleme të karakterit shëndetësor, lodhjet e viteve bëjnë të vetën.

Kishte një natyrë të çuditshme, madje kur binte biseda në momente të shkëputura, kishte vite që thoshte për skenë nuk kam fuqi, por për filmin kishte dëshirë të bënte edhe një. Filmi ‘Bolero në vilën e pleqve’ përkon edhe me fundin e jetës së saj”, tha Xhepa.